áður fyrr 
rak hún nefið inn um bæjardyrnar
eins og til að segja okkur
að vorið kæmi sannarlega
á endanum

núna 
er hún hitabeltisrigning
og fólk liggur í sólbaði
á Kosta del vest 
í október

langt fram eftir vetri
berast okkur fréttir
af drukknuðum haustlaufum
og stífluðum niðurföllum
meira að segja andapollurinn 
er orðinn að beljandi stórfljóti

ég læt mig dreyma 
um bítandi morgunfrost
hóstandi bílvélar
og spólandi dekk 
í kóklituðum snjó 

síðast en ekki síst
alvöru 
Þorláksmessuhláku

kannski 
er það ekki of seint

Tweet

fyrri grein:
Forréttindapési

Mest lesin:
Þurfa menn kannski bara að vera duglegri að axla ábyrgð?

Mælum með:
Af berjum, jörð og konum

næsta grein:
Um hríð // (konudags)listakonur